Einfalt og ljúffengt er yfirskriftin hér! Þessi máltíð er tilvalin, hvort sem grillað er heima eða í útilegunni. Það má útbúa ostafyllinguna og vefja jalapeño-piparinn í beikon með fyrirvara, svo það er lítið mál að taka máltíðina með í ferðalagið.
Uppskrift: Berglind Hreiðarsdóttir.
7 stk. jalapeño
Chilli rjómaostur (14 tsk.)
7 Ali beikonsneiðar
4-5 bökunarkartöflur
110 g sýrður rjómi
50 g majónes
40 g rjómi
2 hvítlauksrif
1 tsk. salt
150 g rifinn cheddar ostur
100 g rifinn piparostur
Graslaukur til að skreyta með
2 pk. léttreyktar Ali hunangs- og chilli marineraðar grísakótilettur.
1 pk. Ali Chilli ostapylsur
Skerið jalapeño til helminga og fræhreinsið.
Fyllið með rjómaosti.
Klippið beikonsneiðarnar í tvennt og vefjið hálfri utan um hvert jalapeño.
Leggið á álpappír/álbakka og grillið á vel heitu grilli í um 15 mínútur.
Hrærið sýrðum rjóma, majónesi, rjóma, hvítlauk og salti saman, bætið síðan báðum tegundum af osti saman við, geymið ostafyllinguna í kæli fram að notkun.
Bakið kartöflurnar í ofni/á grilli þar til þær eru mjúkar.
Þegar kartöflurnar eru tilbúnar má setja væna skeið af ostafyllingu í hverja og leyfa henni að bráðna inn í hana, toppið síðan með söxuðum graslauk.
Grillið kótiletturnar og pylsurnar og berið fram með ostafylltum kartöflum, beikonvöfðu jalapeño og kaldri sósu að eigin vali.
