Grillsamloka eins og hún gerist best. Stökkt súrdeigsbrauð, extra mikið af Ali skinku, rjómakennd béchamel-sósa og bráðinn íslenskur ostur. Béchamel-sósan gerir samlokuna extra djúsí og hún er tilbúin á um 20 mínútum.
Uppskriftin dugar í 2 samlokur.
Innihaldsefni
Béchamel-sósa
- 1 msk. smjör
- 1 msk. hveiti
- 2 dl mjólk
- Salt og hvítur pipar
- Örlítið rifið múskat
Grillsamloka
- 4 þykkar sneiðar súrdeigsbrauð
- 1 pk. Ali skinka
- 150 g Óðals Ísbúi í sneiðum
- Smjör til að smyrja brauðið
- Fersk steinselja, smátt söxuð
- Flögusalt
Aðferð
Béchamel-sósa
- Bræðið smjörið í litlum potti við meðalhita, bætið hveitinu út í og hrærið í um 1 mínútu.
- Hellið mjólkinni smám saman út í og pískið stöðugt þar til sósan er slétt og þykk, um 3–4 mínútur.
- Kryddið með salti, hvítum pipar og múskati og látið kólna aðeins.
Grillsamloka
- Smyrjið béchamel-sósu ríflega á eina hlið allra brauðsneiðanna.
- Leggið ostsneiðar á tvær sneiðarnar og raðið síðan vel af Ali skinku í fellingum ofan á.
- Setjið aðeins meiri ost ofan á skinkuna og lokið með hinum brauðsneiðunum, sósuhliðin snýr inn.
- Smyrjið smjöri utan á brauðið.
- Grillið í samlokugrilli eða á grillpönnu við meðalhita í 4–5 mínútur, eða þar til brauðið er gullinbrúnt og osturinn bráðinn. Ef notuð er panna, snúið samlokunni við hálfnaða og þrýstið létt á hana.
- Skerið samlokurnar í tvennt, stráið steinselju og flögusalti yfir og berið fram strax.
Tillaga að osti: Óðals Ísbúi er mildur og rjómakenndur og bráðnar vel. Ef þið viljið sterkara bragð passar Óðals Tindur vel með skinkunni og béchamel-sósunni.