Opens in a new tab
Til bakaBröns

Egg Benedikt á pönnukökum með Ali skinku

Klassískt egg Benedikt í nýjum búningi. Í stað enskra muffins eru notaðar mjúkar amerískar pönnukökur sem eru toppaðar með Ali silkiskorinni skinku, hleyptu eggi og heimagerðri hollandaise-sósu. Fersk jarðarber og hindber gefa ferskt mótvægi og gera þetta að fullkomnum bröns um helgar.

Uppskriftin dugar fyrir 4.

Amerískar pönnukökur með Ali silkiskorinni skinku, hleyptu eggi og hollandaise-sósu ásamt jarðarberjum og hindberjum á diski

Innihaldsefni

Pönnukökur (um 8 litlar)

  • 2 dl hveiti
  • 1 msk. sykur
  • 2 tsk. lyftiduft
  • ½ tsk. salt
  • 2 dl mjólk
  • 1 egg
  • 2 msk. brætt smjör
  • Smjör til steikingar

Hollandaise-sósa

  • 3 eggjarauður
  • 150 g smjör
  • 1 msk. sítrónusafi
  • Salt og hvítur pipar

Samsetning

  • 1 pk. Ali silkiskorin skinka
  • 4 egg
  • 1 msk. edik
  • Fersk steinselja til skrauts
  • Jarðarber og hindber til að bera fram með

Aðferð

Pönnukökur

  1. Blandið saman hveiti, sykri, lyftidufti og salti í skál.
  2. Pískið saman mjólk, egg og brætt smjör og hrærið út í þurrefnin þar til deigið er kekkjalaust.
  3. Bræðið smá smjör á pönnu við meðalhita og steikið litlar pönnukökur, um 10 cm í þvermál, í 1–2 mínútur á hvorri hlið þar til þær eru gullinbrúnar. Haldið heitum.

Hollandaise-sósa

  1. Bræðið smjörið í litlum potti.
  2. Setjið eggjarauður og sítrónusafa í hitaþolna skál yfir potti með varla sjóðandi vatni og pískið þar til blandan þykknar.
  3. Hellið bræddu smjörinu rólega út í í mjórri bunu og pískið stöðugt þar til sósan er þykk og glansandi. Kryddið með salti og hvítum pipar. Ef sósan verður of þykk má þynna hana með teskeið af volgu vatni.

Egg og samsetning

  1. Hitið vatn í potti að suðu, lækkið hitann svo það rétt kraumi og bætið edikinu út í.
  2. Hrærið hring í vatninu og brjótið eitt egg í einu varlega ofan í. Sjóðið í um 3 mínútur og takið upp með gataspaða.
  3. Raðið tveimur pönnukökum á hvern disk og leggið ríflega af Ali silkiskorinni skinku ofan á í fellingum. Toppið með hleyptu eggi.
  4. Hellið hollandaise-sósu yfir, stráið saxaðri steinselju yfir og berið fram strax með ferskum berjum.

Fæst í verslunum