Grísahnakki í Louisiana chili og piparkryddlegi er heit sumarnýjung á grillið. Kryddlegið gefur kjötinu djúpt og gott bragð með hæfilegum hita, sem passar einstaklega vel með bökuðum kartöflum og góðri fyllingu. Ferskt agúrkusalat setur svo punktinn yfir i-ið og gerir máltíðina enn sumarlegri.
Innihaldsefni
Grísahnakki Louisiana með fylltum kartöflum
1 pakki Ali grísahnakki Louisiana í chili og piparkryddlegi
4 x bakaðar kartöflur
Rifinn Cheddar ostur
Sýrður rjómi
6 sneiðar Ali beikon
Graslaukur (saxaður)
Agúrkusalat (sjá uppskrift að neðan)
Köld sósa
Agúrkusalat
250 g kirsuberjatómatar
1 agúrka
1 rauðlaukur
3 msk. kóríander (saxað)
70 ml virgin ólífuolía
50 ml rauðvínsedik
2 hvítlauksrif
1 tsk. hunangssinnep
1 tsk. salt
Aðferð
Hitið ofninn í 200°C. Bakið kartöflurnar í 50–60 mínútur, eða þar til þær eru mjúkar í gegn.
Takið grísahnakkann úr kæli um 15–20 mínútum áður en hann fer á grillið.
Grillið beikonið þar til það verður stökkt. Saxið það smátt og takið til ásamt rifnum Cheddar osti, sýrðum rjóma og graslauk.
Útbúið agúrkusalatið: Skerið kirsuberjatómata, agúrku og rauðlauk í bita. Saxið kóríander og hvítlauk smátt. Hrærið saman við ólífuolíu, rauðvínsedik, hunangssinnep og salt.
Hitið grillið í meðalhita (um 180–200°C). Grillið grísahnakkann í 5–6 mínútur á hvorri hlið, eða þar til hann er fallega brúnaður. Kjötið er fulleldað þegar kjarnhiti hefur náð 68°C. Leyfið því að hvíla í 3–5 mínútur áður en það er skorið.
Skerið ofan í kartöflurnar og losið aðeins um innihaldið með gaffli. Fyllið þær með sýrðum rjóma, Cheddar osti, beikoni og graslauk.
Berið grísahnakkann fram með fylltum bökuðum kartöflum, fersku agúrkusalati og kaldri sósu.
