Hunangsmarineruðu grísakótiletturnar frá Ali eru fyrir löngu orðnar klassískar á grillið þegar slá á í gegn. Þessi nýjung er með kryddsmjöri. Hunangið gefur kótilettunum léttan sætukeim á meðan kryddsmjörið gerir þær safaríkar og bragðmiklar.
Grillaður maís, fersk sítróna og köld sósa passa einstaklega vel með og gera réttinn að einfaldri en virkilega góðri sumarmáltíð.
1 pakki Ali hunangsmarineraðar grísakótilettur í kryddsmjöri
4 x bakaðar kartöflur
4 maískólfar
1 sítróna
Rifinn Cheddar ostur
Sýrður rjómi
6 sneiðar Ali beikon
Graslaukur (saxaður)
Ferskt salat
Köld sósa
Bakið kartöflurnar þar til þær eru mjúkar í gegn.
Grillið beikonið þar til það verður stökkt. Saxið það smátt og takið til ásamt rifnum Cheddar osti, sýrðum rjóma og söxuðum graslauk.
Skerið ofan í kartöflurnar og losið aðeins um innihaldið með gaffli. Fyllið þær með sýrðum rjóma, Cheddar osti, beikoni og graslauk.
Grillið maískólfana þar til þeir fá fallegar grillrendur. Skerið sítrónuna í tvennt og grillið hana stutt á skurðfletinum.
Grillið grísakótiletturnar við meðalhita í um 3–4 mínútur á hvorri hlið, þar til þær eru fallega brúnaðar. Passið að snúa þeim reglulega svo hunangsmarineringin brenni ekki. Kótiletturnar eru fulleldaðar þegar kjarnhiti hefur náð 68°C.
Leyfið kótilettunum að hvíla í nokkrar mínútur áður en þær eru bornar fram.
Berið grísakótiletturnar fram með fylltum bökuðum kartöflum, grilluðum maís, grillaðri sítrónu, fersku salati og kaldri sósu.