Opens in a new tab
Til bakaHátíðarmatur, Hollara

Kalkúnabringa með fylltum sætum kartöflum

Einföld og hátíðleg máltíð þar sem Sous Vide kalkúnabringan frá Ali er í aðalhlutverki. Bringan er forelduð og þarf aðeins að hita og brúna á pönnu. Borin fram með bökuðum sætum kartöflum fylltum með Burrata osti, pestói og ristuðum pekanhnetum.

Uppskrift: Berglind Hreiðarsdóttir.

Kalkúnabringa frá Ali í sneiðum með pestói og fylltri sætri kartöflu

Innihaldsefni

Fyrir um 4 manns

Kalkúnabringa

  • 1 x Sous Vide kalkúnabringa frá Ali
  • Smjör til steikingar

Sætar kartöflur með Burratafyllingu

  • 2 stórar sætar kartöflur
  • 2 x Burrata ostur
  • Ferskt pestó (grænt)
  • Ristaðar pekanhnetur
  • Ólífuolía

Aðferð

Kalkúnabringa

  1. Takið bringuna úr álbakkanum og leggið hana, enn í plastinu, í vask fullan af heitu vatni. Leyfið henni að liggja þar í um 20 mínútur.
  2. Bræðið smjör á pönnu, takið bringuna úr plastinu og brúnið hana stutta stund á öllum hliðum.
  3. Látið bringuna hvíla í að minnsta kosti 15 mínútur áður en hún er skorin í sneiðar.

Sætar kartöflur með Burratafyllingu

  1. Hitið ofninn í 200°C.
  2. Berið ólífuolíu á kartöflurnar, stingið nokkur göt á þær með beittum hníf og setjið á ofnskúffu.
  3. Bakið í um klukkustund eða þar til kartöflurnar eru mjúkar í gegn.
  4. Skerið kartöflurnar langsum í helminga og skafið aðeins úr miðjunni með skeið.
  5. Rífið ½ Burrata ost yfir hvern helming og toppið með pestói og ristuðum pekanhnetum.

Fæst í verslunum