Opens in a new tab
Til bakaHátíðarmatur, Hollara

Kalkúnabringa með sætkartöflugratíni og fylltum sveppum

Ali Sous Vide kalkúnabringa er fulleldaður hátíðarmatur sem tekur aðeins örfáar mínútur að hita upp. Bringan er hituð í heitu vatni og svo steikt stutt upp úr smjöri svo hún fái fallega gyllta skorpu, safarík og meyr í gegn.

Með bringunni er tilvalið að bera fram rjómalagað sætkartöflugratín með hvítlauk og rósmarín og fyllta sveppi með rjómaosti, parmesan og stökku Ali beikoni. Hátíðleg máltíð sem er einföld í undirbúningi.

Uppskrift: Berglind Hreiðarsdóttir.

Innihaldsefni

Kalkúnabringa

  • 1 x Ali Sous Vide kalkúnabringa
  • Smjör til steikingar

Kartöflugratín

  • Rúmt kíló af sætum kartöflum
  • 50 g smjör
  • 3 hvítlauksrif
  • 1 msk. saxað rósmarín
  • 650 ml rjómi
  • Salt og pipar
  • 100 g rifinn ostur

Fylltir sveppir

  • 25 sveppir (um það bil 350-400 g)
  • 7 sneiðar Ali beikon (stökkt)
  • 200 g rjómaostur
  • 40 g parmesan ostur (rifinn)
  • 2 hvítlauksrif (rifin)
  • 1 msk. steinselja (söxuð) + meira til skrauts
  • Salt og pipar

Aðferð

Kalkúnabringa eldun

  1. Hitið vatn í potti að suðu og slökkvið undir.
  2. Takið bringuna úr álbakkanum og leggið í plastinu í heitt vatnið, leyfið henni að liggja þar í 20 mínútur.
  3. Takið þá uppúr og úr plastinu, steikið upp úr smjöri þar til allar hliðar hafa brúnast.

Kartöflugratín

  1. Hitið ofninn í 180°C.
  2. Flysjið kartöflurnar og rífið/skerið niður í 2-3 mm þykkar sneiðar (ég notaði mandólín).
  3. Raðið þeim upp á rönd í eldfast mót svo þær fylli lauslega mótið.
  4. Bræðið smjörið í potti og steikið hvítlaukinn í því stutta stund.
  5. Bætið rósmarín og rjóma í pottinn og kryddið með salti og pipar eftir smekk.
  6. Hellið yfir kartöflurnar, leggið álpappír lauslega yfir og bakið í ofninum í 40 mínútur.
  7. Takið þá út úr ofninum, álpappírinn af og dreifið ostinum yfir, bakið áfram í um 15 mínútur eða þar til osturinn fer að gyllast.

Fylltir sveppir

  1. Hitið ofninn í 180°C.
  2. Fjarlægið stilkinn innan úr sveppunum og raðið þeim í eldfast mót/ofnskúffu.
  3. Eldið beikonið þar til það er stökkt og saxið niður.
  4. Setjið um helminginn af beikoninu í skál ásamt rjómaosti, parmesan, hvítlauk og steinselju, blandið vel saman og kryddið eftir smekk.
  5. Fyllið sveppina og setjið síðan restina af beikonkurlinu yfir.
  6. Bakið í um 15 mínútur og skreytið með smá steinselju.

Fæst í verslunum