Kjúklingalundir Black Garlic eru einföld og bragðgóð lausn á grillið. Lundirnar koma marineraðar og tilbúnar í eldun, svo þú þarft ekki að útbúa eigin marineringu. Það er bara að skella þeim beint á grillið.
Black Garlic-marineringin gefur kjúklingnum djúpt og milt sætt bragð sem passar einstaklega vel með ferskum kryddjurtum, stökkum lauk og kaldri sósu. Rétturinn er léttur og sumarlegur og hentar vel sem aðalréttur.
1 pakki Ali kjúklingalundir Black Garlic
Fersk steinselja
Ferskur kóríander
Stökkur laukur
Fetaostur
1 sítróna
Klettasalat
Kirsuberjatómatar
Agúrka
Köld sósa
Grillspjót
Leggið grillspjótin í bleyti í nokkrar mínútur ef notuð eru tréspjót.
Þræðið kjúklingalundirnar upp á grillspjót eða grillið þær beint á grindinni.
Grillið kjúklingalundirnar við meðalhita þar til þær eru fallega brúnaðar og eldaðar í gegn. Snúið þeim reglulega svo þær grillist jafnt.
Saxið steinselju og kóríander og blandið saman við stökkum lauk og mulinn fetaost.
Skerið sítrónuna í tvennt og grillið hana stutt á skurðfletinum þar til hún fær fallegar grillrendur.
Setjið kryddjurtatoppinn yfir kjúklingalundirnar þegar þær eru komnar af grillinu.
Berið kjúklingalundirnar fram með klettasalati, kirsuberjatómötum, agúrku, grillaðri sítrónu og kaldri sósu.