Opens in a new tab
Til bakaFljótlegt, Hollara

Kjúklingasalat með sesamdressingu

Stökkt og ferskt kjúklingasalat með asískum blæ. Ali Rodizio lærakjöt er fulleldað og þarf aðeins að steikja stutta stund, svo salatið er tilbúið á um 25 mínútum. Hvítkál, rauðkál, gulrætur, edamame baunir og ristaðar núðlur með kasjúhnetum, allt blandað saman við bragðmikla sesamdressingu.

Uppskriftin dugar fyrir um 4 manns.

Uppskrift: Berglind Hreiðarsdóttir.

Stökkt kjúklingasalat með káli, gulrótum, edamame baunum, núðlum og sesamdressingu í svartri skál

Innihaldsefni

Kjúklingasalat

  • 1 pk. Ali Rodizio lærakjöt (fulleldað)
  • 200 g hvítkál
  • 150 g rauðkál
  • 100 g romaine salat eða annað svipað
  • 4 stórar gulrætur
  • 180 g edamame baunir (frosnar)
  • ½ rauðlaukur
  • 160 g stökkar núðlur (2 x instant pakki)
  • 100 g kasjúhnetur (brot)
  • 2 msk. ristuð sesamfræ
  • Ólífuolía til steikingar
  • Sesamdressing (sjá að neðan)

Sesamdressing

  • 80 ml hvítvínsedik
  • 140 ml ólífuolía
  • 50 ml sesamolía
  • 50 ml soyasósa
  • 50 ml hunang
  • 2 msk. ristuð sesamfræ
  • 2 tsk. rifið engifer
  • 3 tsk. rifinn hvítlaukur

Aðferð

Sesamdressing

  1. Setjið öll hráefnin saman í skál og pískið saman. Geymið í kæli fram að notkun.

Kjúklingasalat

  1. Steikið kjúklinginn upp úr ólífuolíu við meðalhita í nokkrar mínútur á hvorri hlið og leggið til hliðar.
  2. Skerið hvítkál, rauðkál og romaine salat í þunna strimla.
  3. Rífið gulræturnar með grófu rifjárni og skerið rauðlaukinn í þunnar sneiðar.
  4. Sjóðið vatn og hellið yfir edamame baunirnar í skál svo þær þekist. Látið standa í 2–3 mínútur, hellið þá vatninu af og geymið baunirnar.
  5. Þurrristið sesamfræin, bæði fyrir salatið og dressinguna, þar til þau byrja að „poppast“ og hellið þá í skál.
  6. Brjótið núðlurnar vel niður og þurrristið á pönnu með kasjúhnetunum. Hrærið vel allan tímann og takið af pönnunni þegar núðlur og hnetur byrja að brúnast. Bætið 2 msk. af ristuðum sesamfræjum við núðlublönduna.
  7. Setjið öll hráefnin í stóra skál, hellið dressingunni yfir og blandið vel saman.
  8. Ef ekki á að borða salatið strax má bíða með að setja dressinguna og núðlublönduna saman við.

Fæst í verslunum