Opens in a new tab
Til bakaBröns, Hátíðarmatur

Páskabakki með Ali áleggi

Fallegur og litríkur bakki sem passar jafnt á páskabrönsinn og sem forréttur fyrir hátíðarmatinn. Salamírósir úr Ali salami, Ali silkiskorin skinka og Ali Rioja hráskinka ásamt ostum, ferskum berjum og litlum páskaeggjum. Bakkinn er tilbúinn á um 20 mínútum og þarf enga eldamennsku.

Uppskriftin dugar fyrir 4–6.

Páskabakki með salamírósum úr Ali salami, Ali silkiskorinni skinku, Ali Rioja hráskinku, camembert osti, berjum og litlum páskaeggjum

Innihaldsefni

Páskabakki

  • 2 bréf Ali salami
  • 1 pk. Ali silkiskorin skinka
  • 1 pk. Ali Rioja hráskinka
  • 1 heill camembert ostur
  • 150 g fastur ostur, t.d. gouda, í teningum
  • 1 pk. kex eða hrökkbrauð
  • 1 box jarðarber
  • 1 box hindber
  • 1 klasi dökk vínber
  • 1 ástaraldin
  • Handfylli af litlum súkkulaðieggjum
  • Nokkrar greinar af fersku rósmaríni

Salamírós

  • Um 12–15 sneiðar Ali salami fyrir hverja rós
  • 1 vínglas með þunnum barmi

Aðferð

Salamírós

  1. Leggið salamísneið yfir barm glassins þannig að um helmingurinn hangi niður utan á glasinu.
  2. Leggið næstu sneið þannig að hún skarist um helming yfir þá fyrri og haldið áfram allan hringinn.
  3. Endurtakið með 2–3 umferðum til viðbótar og látið hverja umferð sitja aðeins neðar en þá síðustu. Þá verður rósin þéttari og fyllri.
  4. Hvolfið glasinu á bakkann, lyftið því varlega upp og opnið „krónublöðin“ létt með fingrunum.
  5. Gerið tvær rósir, eina stóra og eina minni.

Páskabakki

  1. Byrjið á stærstu hlutunum: setjið camembert ostinn í miðjuna og salamírósirnar á sitt hvorn enda bakkans.
  2. Leggið silkiskornu skinkuna í lausar fellingar við hlið stærri rósarinnar.
  3. Raðið Rioja hráskinkunni í blævæng á tveimur stöðum á bakkanum.
  4. Setjið ostateningana, kexið og vínberjaklasann í eyðurnar á milli.
  5. Fyllið upp í með jarðarberjum og hindberjum og skerið ástaraldinið í tvennt.
  6. Setjið litlu súkkulaðieggin ofan á camembert ostinn og skreytið með rósmaríngreinum.
  7. Berið fram strax eða geymið í kæli undir plastfilmu í allt að 2 klukkustundir.

Ábending: Takið camembert ostinn úr kæli um 30 mínútum áður en bakkinn er borinn fram, þá verður hann mýkri og bragðmeiri.

Fæst í verslunum