Yuzu Jalapeño Mango pylsur eru fyrir þá sem vilja eitthvað aðeins öðruvísi á grillið. Japanski sítrusávöxturinn yuzu gefur ferskan keim, mangóið milda sætu og jalapeño hæfilegan hita. Útkoman er pylsa sem kemur skemmtilega á óvart.
Pylsurnar fara beint á grillið og með fersku kryddjurtasalsa og grilluðu grænmeti verður til létt og litrík sumarmáltíð sem gaman er að bera fram.
1 pakki Ali Yuzu Jalapeño Mango pylsur
1 rauð paprika
1 gul paprika
1 kúrbítur
1 rauðlaukur
1 mangó
1 límóna
Ferskt salat
Köld sósa
Pylsubrauð, ef vill
1 búnt fersk steinselja
2 msk. ferskur kóríander
1 hvítlauksrif
1/2 jalapeño
50 ml ólífuolía
1 msk. límónusafi
1 tsk. hunang
1/2 tsk. salt
Svartur pipar
Skerið papriku, kúrbít og rauðlauk í grófa bita.
Afhýðið mangóið og skerið í litla teninga. Setjið til hliðar.
Útbúið kryddjurtasalsa með því að saxa steinselju, kóríander, hvítlauk og jalapeño smátt. Hrærið saman við ólífuolíu, límónusafa, hunang, salt og pipar. Bætið mangóbitunum saman við í lokin.
Grillið pylsurnar við meðalhita þar til þær eru heitar í gegn og hafa fengið fallegar grillrendur. Snúið þeim reglulega svo þær grillist jafnt.
Grillið grænmetið þar til það verður mjúkt og fær góða grilláferð.
Setjið pylsurnar á fat með grilluðu grænmeti og fersku salati.
Setjið kryddjurtasalsa yfir pylsurnar og berið fram með kaldri sósu og pylsubrauði ef vill.